Алтан медаль

Өчигдөр Бээжингийн зуны Олимпийн 29-р их наадам өндөрлөлөө. Тус Олимпийн наадмаас Монголын баг тамирчид 2 алт, 2 мөнгөн медаль авлаа.
Олимпийн наадмын хамгийн сүүлийн өдөр буюу 24-нд манай боксчидоос Сэрдамба, Бадар-Ууган нар маань Олимпийн аваргийн алтан медалийн төлөө тоглосон юм.
48 кг-ийн жингийн аваргийн төлөө манай Сэрдамба БНХАУ-ын Жоу Ши Минтай тоглосон бөгөөд манай тамирчин баруун мөрний гэмтлийн улмаас тоглолтын 2-р үеэс цааш тоглох боломжгүй болж Олимпийн мөнгөн медаль хүртлээ. Мөр гэмтэлгүй байсан бол хожих боломж манай Сэрдамбад байсан юм. Хятадын боксчинтой урьд нь 2007 оны Азийн аваргийн алтан медалийн төлөө тоглож хожиж байсан юм. Сэрдамбын маань энэ мөнгөн медаль цагаан алтан медаль л гэсэн үг. Гүндэгмаагийн маань мөнгөн медаль ч гэсэн цагаан алтан медаль л гэсэн үг.

Харин 54 кг-ийн жинд манай Бадар-Ууган аваргийн алтан медалийн төлөө Куба улсын боксчинтой тоглож 4 үеийн турш илт давуу тоглолт үзүүлэн 16:5 харьцаагаар ялалт байгуулж Монгол Эх Орондоо Олимпийн аваргийн алтан медалийг авчирлаа. Бадар-Ууган үнэхээр жиндээ 1 номерын боксчин гэдгээ Олимпийн дэвжээн дээр харуулж чадлаа.  

Өнөөдөр Олимпийн боксийн төрлийн хагас шигшээ тоглолтууд болж өнгөрлөө. Манай 48 болон 54 кг-ийн жинд зодоглож тун амжилт дөөрэн байгаа 2 боксчин болох Сэрдамба, Бадар-Ууган нар маань мөнгөн медалийн төлөөх тоглолтоо хийж дуусгалаа. Сэрдамба маань Кубын боксчин Эрнандэстэй энэ тэнцүү тоглон 8:8 харьцаагаар тоглолт өндөрлөсөн хэдий боловч шүүгч нарын туслах оноогоор манай тамирчин ялалт авч эх орондоо мөнгөн медаль авчирч 24-нд аваргийн алтан медалийн төлөө Улаанбаатарт болж байсан азийн аваргаар хожиж байсан БНХАУ-ын боксчинтой тоглохоор шалгарч үлдлээ.

Харин манай Бадар-Ууган маань мөнгөн медалийн төлөө Молдавийн боксчинтой тоглож үнэхээр Дэлхийн энэтэй боксчин гэдгээ харуулж илт давуу тоглолт өрнүүлэн 15:2 харьцаагаар ялалт авч чадлаа. Тэрээр мөн 24-нд алтан медалийн төлөө Кубын боксчинтой тоглоно оо.

2 боксчиндоо амжилт хүсье. Монгол Улсыг 3 алттай болгоод өгөөч хэ хэ.

Боксын 54 кг-ийн жинд өрсөлдөж байгаа манай Бадар-Ууган өчигдөр орой Ботсванийн тамирчинтай хүрэл медалийн төлөө тоглож илт давуу 15:2 харьцаагаар ялалт байгуулж хүрэл медалийн болзол хангалаа. Тэрээр цааш мөнгөн медалийн төлөө Молдавийн боксчинтой маргааш тоглох юм. Монголын баг тамирчдын медалийн тоог нэгээр нэмсэн Бадар-Уугандаа баяр хүргэе ээ.

Өнөөдөр орой 48 кг-ийн жинд хүч үзэж байгаа Сэрдамба маань 17:30-аас Тайландын боксчинтой хүрэл медалийн төлөө тоглоно. Амжилт!!!
Харин манай чөлөөт бөхийн эрэгтэйчүүдийн 55 кг-ийн жинд барилдах Наранбаатар маань яг одоо 2007 дэлхийн аварга шалгаруулах тэмцээнд алтын барилдаад хожигдож байсан ОХУ-ын бөх Кудуховтой эхний тойрогт таарсан байна.

Зуны Олимпын 29-р их наадмын боксын 64 кг-ийн дэлхийн хүчтэнгүүдтэй өрсөлдсөн Уранчимэгийн Мөнх-Эрдэнэ энэ удаагийн Олимпын наадмын тэмцээнээ өнөөдөр өндөрлүүллээ. Тэрээр 1 болон 2-р тойргийн тоглолтуудаа урамтай сайхан хийж ялалт авч өнөөдөр дөнгөж саяхан хүрэл медалийн тоглолтоо Франц улсын тамирчинтай хийж 12:4 харьцаагаар харамсалтайгаар хожигдлоо.

Мөнх-Эрдэнэ маань хэдийгээр хожигдол хүлээсэн ч Монголын боксын баг тамирчдаас анхны ялалтыг авчирч тамирчдынхаа сэтгэл зүйг өндөрт өргөж ялалтын буухиаг эхлүүлсэн билээ.
Одоо үлдсэн 2 боксчиндоо амжилт хүсч дээлийнх нь захийг сайн мушгих үлдлээ. Бадар-Ууган, Сэрдамба 2 маань мөн адил маргаашнаас хүрэл медалийн төлөөх тоглолтоо хийнэ. 

Монголын боксчдын бас нэгэн ялалтыг манай 48 кг-ийн жинд өрсөлдаж байгаа Сэрдамба маань авч чадлаа. 2-р тойргийнхоо тоглолтонд АНУ-ын тамирчинтай таарч тоглосон бөгөөд 4 үеийн турш маш өрсөлдөөнтэй гал гаргасан тоглолт манай тамирчны ялалтаар өндөрлөлөө. Ийнхүү манай 4 боксчидоос 3 нь шилдэг 8 шалгарч хүрэл медалийн төлөө өрсөлдөхөөр шалгарч үлдлээ. 

Өнөөдөр боксын 64 кг-ийн жингийн шөвгийн 8-ийн тоглолтууд болно. Энэ жинд манай У.Мөнх-Эрдэнэ тоглох болно. Түүнд бүх Монголчуудийнхаа өмнөөс амжилт хүсье ээ.

Харин манай эмэгтэй чөлөөтийнхэн буюу 48 кг, 55 кг-ийн жинд өрсөлдсөн  Ц.Энхжаргал, Н.Отгонжаргал нар маань ялагдал хүлээсэн байна.

Монголын боксчид хиймортой байна аа. Өчигдөр манай Бадар-Ууган 2-р тойрогтоо Ирландийн тамирчинтай таарч илт давуу тоглолтыг үзүүлэн 9:2-оор ээлжит ялалтаа авлаа. Харин тэрээр дараагийн тойрогт буюу хүрэл медалийн төлөө Ботсвани улсын тамирчинтай тоглоно.

Боксын 57 кг-ийн жинд өрсөлдсөн манай Энхзориг маань харин боксын өндөр уламжлалтай Куба улсын тамирчинтай 2-р тойрогтоо таарч энэ тэнцүү өрсөлдсөн боловч 10:9 харьцаагаар ялагдал хүлээлээ. Гэхдээ зүгээрээ Энхзоригоо чи сайн байсан шүү.

Өнөөдөр манай Монголын баг тамирчдаас Чөлөөтийн эмэгтэйчүүд маань барилдаанаа эхэлж байна. 48 кг, 55 кг  Ц.Энхжаргал, Н.Отгонжаргал нар маань хүч чадлаа үзэн өрсөлдөнө. Мөн боксын 48 кг-ийн жинд Сэрдамба маань 2-р тойргийнхоо тоглолтыг хийж, хөнгөн атлетикийн төрөлд 400 м-ийн гүйлтэнд оролцох Б.Мөнгөнтүяа маань урьдчилсан гүйлтээ хийнэ ээ. Бүгдэд нь амжилт хүсье ээ. 

Монголчуудын ялалтын буухиа, медалийн буухиа үргэлжилж байна. 13-ны өдөр манай О.Гүндэгмаа Олимпын наадмаас мөнгөн медаль хүртэж Монголын баг тамирчдын медалийн үүд хаалгыг нээсэн гэж болно. Өчигдөр Н.Түвшинбаяр маань АЛТАН Медаль хүртэж олон жил хүсэн хүлээсэн баярыг Монголчууддаа авчирч чадлаа. Монголчуудыг нэгтгэж чадлаа. Тэр чадсаан.

Монголын тэмцээн уралдаанаа үргэлжлүүлж буй бусад тамирчдын сэтгэл зүйг өндрөөс өндөрт өргөж чадлаа. Тиймээс манай боксын шилдэг тамирчдын нэг У.Мөнх-Эрдэнэ 2-р тойрогтоо Болгарын тамирчныг хожиж чадлаа.
Тамирчид маань дахин медаль, бүр алтан медаль хүртэх болтугай!!!

Өө нээрээ миний блогтой цуг байгаа бүх Монголчууддаа баярлалаа гэдгээ хэлье ээ. Цаашид ч гэсэн хамт байгаарай. Өчигдөр надад нэгэн захиалга ирсэн юм. Захиалгийг биелүүлсэн шүү. Тамирчны алдар дууг орууллаа.
Тиймээ Гүндэгмаа, Түвшинбаяр нарын ялалт хямдхан олдоогүй ээ

Зуны Олимпын 29-р наадмын жүдо бөхийн -100 кг-ийн жинд хүч үзсэн манай Н.Түбшинбаяр 44 жилийн Монгол Улсад анхны Олимпын Алтан медалийг авчирлаа.
Монголчуудаа Урааааааааааааааааааааааааааааааааа!!!! Алтан медаль штээээ.
Казахстан улсын тамирчныг Базари үнэлгээгээр яллаа.

Зуны Олимпын 29-р наадмын боксын 48 кг-ийн жинд өрсөлдөж байгаа манай П.Сэрдамба эхнийхээ тойргын тоглолтыг хийж 9:5 харьцаагаар өрсөлдөгчөө буулган авлаа. Ийнхүү Монголын боксын баг тамирчид бүгд эхнийхээ тойрогт амжилттай тоглож ялалт байгуулцгаалаа.

Харин өнөөдөр боксын 64 кг-ийн жинд манай У.Мөнх-Эрдэнэ 2 дахь тойргийнхоо тоглолтыг Болгарын тамирчинтай хийнэ. Түүнд дахин ялалт байгуулахыг хүсье ээ. Гүндэгмаа маань өчигдөр Мөнгөл медаль авч Монголын баг тамирчдын сэтгэл зүйг өндөрт өргөлөө.
Мөн өнөөдөр манай тамирчдаас Жүдо эр, -100 кг  Н.Түвшинбаяр
                                                         эм, -78 кг  П.Лхамдэгд
Буудлага эм, 50 урт буу (3 байрлал)    З.Батхуяг
Усанд сэлэлт эр, 100 м мэлхий  Б.Бүтэх-Үйлс нар өрсөлдөнө. Бүгдэд нь өндөр амжилт!!!

Дөнгөж саяхан манай О.Гүндэгмаа 25 м-ийн спорт гар бууны төрөлд шигшээ буудлагаа хийлээ. Шигшээ буудлагад 1-р байраар гарч ирсэн боловч 3-р байраар гарч ирсэн Хятад улсын тамирчин түрүүлж алтан меадалийг хүртэж байна.
Манай Гүндэгмаа нийт тус бүр 5 сумаар 4 удаагийн буудлага хийсэн ба 3 дахь 5 сумын буудлаган дээр буу нь гацсан нь манай тамирчины амжилтанд нөлөөлөх шиг боллоо. Эцсийн дүнгээр манай тамирчин Бээжин 2008 зуны Олимпын Их наадмын Мөнгөн медалийг хүртэж байна.

Хамгийн сүүлд 1980 оны Москва-ын Олимпоос хойш Мөнгөн медалийг Монголчууд хүртээгүй байсан юм. Мөнгөн медаль. Харин манай Мөнхбаяр тус төрөлд хүрэл медалийн болзол хангалаа. 2 Монгол хүн ийнхүү медаль хүртлээ. Энэ удаагийн Олимпын наадмын Монголын баг тамирчдын анхны медаль Мөнгөн медаль.

25 м-ийн спорт гар бууны төрөлд өрсөлдсөн манай Гүндэгмаа урдьчилсан буудлагаа дөнгөж сая хийж дуусгалаа. Урьдчилсан буудлагаас манай тамирчин нийт 590 оноо авч энэ төрөлд Олимпын рекордыг 6 дахь удаагаа давтан шигшээ буудлагад 1-ээр шалгарсан байна.

Харин Герман улсын тамирчин Барселоны Олимпын хүрэл медальт Мөнхбаяр 2-т шалгарсан байна. Шигшээ буудлага 15 цагаас эхэлнэ. Урагшаа Гүндэгмаа Урагшаа

Банжигчидаа чшшш чимээгүй

Монголын боксчдын ялалт 3 дахь өдрөө манай Дэлхийн аваргын мөнгөн медальт Бадар-Ууганы ялалтаар үргэлжилж байна. Манай тамирчны өрсөлдөгч Мексик улсын боксчин байсан ба 4 үеийн турш илт давуу тоглолтыг өрнүүлж эхний давааныхаа ялалтыг 15:4 харьцаагаар авлаа. Боксчид маань хиймортой байна.

Харин өнөөдөр боксын 48 кг-ын жинд манай Ази тивийн аварга Сэрдамба маань эхнийхээ тойргийн тоглолтыг хийнэ. Түүнд Монголчуудынхаа өмнөөс ялалтын буухиаг үргэлжүүлэхийг хүсье ээ.
Мөн манай буудлагын 2 тамирчин Гүндэгмаа, Мөнхзүл нар маань 25 м-ийн спорт гар бууны төрөлд яг одоо өрсөлдөж байна.

Манай Нямхүү 81 кг-ийн жинд хүрэл медалийн төлөө Украйны бөх Роман Контиюктай барилдлаа.
Барилдаан дөнгөж эхлээд эхний 50 сек өнгөрч байхад манай өрсөлдөгчдөө 1 базари, 1 юко үнэлгээ алдаад байлаа. Түүнээс хойш цаг дуустал буюу 4 минут 10 сек-ийн турш Украйны бөх оноогоо хамгаалсан, зугтсан, идэвхигүй барилдаан хийж байлаа. Юм л бол жийх мэх хийгээл хэвтээд байсан. Шүүгч түүнийг нийт 3 удаа торгосон ба ингэснээр манай бөх 1 базари үнэлгээтэй болсон юм. Манай бөх цаг дуустал маш идэвхитэй сайн барилдсан. Цаг дуусахад 11 сек дутуу байхад Украйны бөхийн хамраас цус гарч эмчийн тусламж авсан ба энэ нь мэдээжийн хэрэг тактикын асуудал гэдэг нь хэнд ч тодорхой байсан юм. Нэлээд удсаны эцэст барилдаан үргэлжлэх болоход шүүгч нар цугларч Украйны бөхийг дахин торгох талаар хэлэлцсэн боловч торгоогүй юм. Ийнхүү цаг дууссанаар манай бөх ялагдал хүлээлээ.

Уг нь тэр торгуулийг өгчихсөн бол... Манай Нямхүүгийн хувьд хамгийн сүүлийн Олимпын наадам бөгөөд тэрээр нулимс дуслуулан байж дэвжээнээс буусан юм.

Сайхан мэдээ дуулгах гэж байна.
Манай Д.Нямхүү жүдо бөхийн 81 кг-ийн жинд өрсөлдөж дагах барилдаан хийх болсон тухай мэдээллийг та бүхэндээ хүргэж байсан билээ. Тэгвэл манай бөх торгуулийн тойргийн барилдаандаа өрсөлдөгчөө цэвэр ялсанаар өнөө орой хүрэл медалийн төлөө барилдах эрхтэй болсон байна. Д.Нямхүүгийн хүрэл медалийн төлөө барилдах өрсөлдөгч бөх нь Украйны бөх Роман Контиюк хэмээх тамирчин юм байна. 

Монголын баг тамирчдын анхны медалийг Нямхүү маань авчрах болтугай!!! Урагшаа!!!

Өнөөдөр манай баг тамирчдаас 4 тамирчин өөр өөрийн спортын төрөлдөө хүчээ үзэж байна.
Жүдо бөхийн 81 кг-ийн жинд өрсөлдсөн Нямхүү маань эхний тойрогтоо гоц мөргөж, 2-р тойрогтоо Голландын бөхтэй барилдаж шидо торгуулиар хожигдсон мэдээ байна. Эмэгтэйчүүдийн 63 кг-ийн жинд барилдсан Баттөгс маань Нямхүүгийн нэгэн адилаар эхний тойрогтоо гоц мөргөж, 2-р тойрогтоо Германы бөхөд яладсан байна. Дагах барилдаан хийх эсэх нь тэднийг хожсон бөхчүүд цаашид хэрхэн барилдахаас шалтгаална.

Харин манай хүндийг өргөлтийн тамирчин Баярмаа 63 кг-ийн жинд өрсөлдөж байна. Хэсгийн тэмцээнээ саяхан хийж дууслаа. Огцом болон түлхэлттэй өргөлтөөр нийт 213 кг-ийг өргөж хэсэгтээ 2-р байранд орсоноор финалд шалгарч чаджээ. Түүний жингийн нөгөө хэсгийн тамирчид хэрхэн өргөхөөс манай тамирчины амжилт шалтгаалах болно оо.

Ялалтын буухиагаа үргэлжүүлсээр байгаа манай боксчдоос өнөөдөр 48 кг-ийн жинд Сэрдамба, 54 кг-ийн жинд дэлхийн аваргийн мөнгөн медальт Бадар-Ууган нар тоглоно. Боксчиддоо амжилт хүсье ээ.

Дөнгөж саяхан манай боксын 57 кг-ийн жинд хүч үзсэн З.Энхзориг маань Бээжингийн Олимпын наадмын эхнийхээ тоглолтыг Мороко улсын тамирчинтай хийлээ. Өэсөлдөгч нь Африк тивийн аварга шалгаруулах тэмцээний хүрэл медальтай тамирчин юм байна. Тоглолтын санаачлагыг манай З.Энхзориг анхнаасаа гартаа авч тоглосон ба 4 үеийн турш давамгайлан тоглосоор 10:1 харьцаатайгаар манай тамирчин ялалт авч чадлаа.

Түүний дараагийн тойрогт тоглохоор шалгарсан учраа нь Куба улсын тамирчин юм байна. Куба улс боксын нэлээн сайн уламжлалтай орон гэдгийг манайхан мэдэх байх аа. Гэвч хэн хүчтэй, самбаатай тоглож, ухаан гаргасан нь хожил авна. Манай улс өөрийн гэсэн боксын сургалттай болсон гэдэг нь Өчигдөр болон өнөөдөрийн тоглолтуудаас харагдаж байна. Түүнд Монголын бүх ард түмнийхээ өмнөөс өндөр амжилт хүсье ээ.

Маргааш манай жүдо тамирчдын барилдаан үргэлжилэн явагдана. 63 кг-ийн жинд Т.Баттөгс, 81 кг-ийн жинд Д.Нямхүү нар маань зодоглоно. Мөн хүндийг өргөлтийн тэмцээнд манай Н.Баярмаа эмэгтэйчүүдийн 63 кг-ийн жинд хүч үзнэ ээ.

Дашдаваа маань 3-р тойрогтоо Ираны бөхтэй барилдах болсон талаар та бүхэндээ дуулгасан билээ. Тэгвэл энэхүү барилдаан дөнгөж саяхан болоод өнгөрлөө. Энэ барилдаанд манай бөх ялагдал хүлээжээ. Ийнхүү дагах барилдаан хийх боллоо. Барилдаан хэрхэн болж өнгөрсөн талаар дэлгэрэнгүй мэдээлэл одоохондоо аваагүй байна.
57 кг-ийн жинд барилдсан Эрдэнэт-Од маань мөн адил өрсөлдөгчдөө хожигдож дагах барилдаан хийхээр болж байна.
Манай 2 бөх дагах барилдаандаа амжилттай барилдаж хожвол хүрэл медалийн төлөө барилдах боломжоо нээх юм байна.

Орой 19 цагаас жүдо бөхийн финалын барилдаанууд дээр 2 бөх маань шалгарах болтугай гэж залбирах л үлдлээ.
19 цагаас мөн боксын төрөлд 57 кг-ын жинд манай З.Энхзориг тоглох болно. Амжилт хүсье ээ тамирчиддаа.

Манай жүдо бөхийн 73 кг-ийн жинд хүч үзэж байгаа Г.Дашдаваа маань эхний тойргийн барилдаандаа АНУ-ын бөхийг оноогоор хожсон бөгөөд 2-р тойрогтоо Польшийн бөхтэй бяр чадал, авхаалж самбаагаа сорин өрсөлдөж коко үнэлгээний давуутайгаар ялалт байгууллаа. Дараагийн тойрогт Ираны бөхтэй барилдана. Дашдаваа минь энэ эрчээрээ урагшаа!!!

Жүдо бөхийн 73 кг-ийн жинд манай бөх Г.Дашдаваа эхний тойргийнхоо барилдааныг АНУ-ын бөх Раян Резертэй барилдаж оноогоор ялалт байгууллаа. Дашдаваа маань дараагийн тойрогт Польшийн бөхтэй барилдана.

 Харин манай 57 кг-ын жинд Х.Эрдэнэт-Од эхний тойрогтоо гоц мөргөж дараагийн тойрогт Италийн бөхтэй учраа таарсан байна.

Манай 2 жүдочдод амжилттай барилдах боломж бололцоо бүрэн дүүрэн харагдаж байлаа. Орой шигшээ барилдаан дээр 2 бөхтэйгөө хамт уулзацгаах болтугай гэж ерөөе.

Удахгүй манай боксын 57 кг-ын жинд тоглох З.Энхзоригтоо амжилт хүсье ээ.

2008 оны Бээжингийн зуны Олимпын 29-р их наадмын боксын 64 кг-ын жингийн эхний тоглолтууд өнөөдөр болж байна. Дөнгөж сая 19 цаг 30 минутын үед энэ жинд тоглосон манай У.Мөнх-Эрдэнэ Замби улсын тамирчинтай тоглолоо. Тоглолт 4 үеийн турш тун сонирхолтой болж өнгөрсөн ба 12:8-ийн харьцаагаар манай тамирчин өрсөлдөгчөө оноогоор буулган авлаа. Ийнхүү Монголын баг тамирчдын анхны ялалтыг авчирлаа.

Замби улсын тамирчин Африк тивийн аварга бөгөөд тун эвгүй тоглолтой тамирчин байлаа. Гэсэн хэдий ч манай Мөнх-Эрдэнэ ур чадвар, туршлага заан тоглож ялалт байгуулж чадлаа. Манай тамирчингийн дараагийн учраа АНУ болон Болгарын тамирчдын хэн ялсантай нь тоглох юм. Ингээд Мөнх-Эрдэнэдээ улам илүү их амжилт хүсч, Олимпын медалийг эх орондоо авчрахыг хүсч байна.

Харин манай жүдо бөхийн эмэгтэйчүүдийн 52 кг-ийн жинд барилдсан М.Бундмаа Испанийн тамирчинд эхний тойрогтоо хожигдсон бөгөөд манай тамирчинг хожсон Испанийн бөх энэ жинд 2008 оны Олимпын аваргаар дөнгөж саяхан шалгарсан Хятадын тамирчинд ялагдсанаар Бундмаагийн хувьд Олимпын тэмцээнээ дуусгаж байна.

Маргааш манай баг тамирчдаас жүдо бөхийн 73 кг-ийн жинд Г.Дашдаваа, эм 57 кг-ийн жинд Х.Эрдэнэт-Од, боксын 57 кг-ын жинд З.Энхзориг нар маань өрсөлдөнө. Тэдэндээ өндрөөс өндөр амжилтыг хүсье ээ.